الطاهري: إما خارطة طريق وحكومة ومزيد من الحقوق والحريات.. أو ..

2021/08/30 18:12

شدّد الأمين العام المساعد المكلف بالإعلام بالاتحاد العام التونسي للشغل سامي الطاهري، عبر تدوينة نشرها على صفحته بفيسبوك اليوم الإثنين 30 أوت 2021 على ضرورة "الوضوح ووضع خارطة طريق، وحكومة،  ومزيد من الحقوق والحريات وضمانات احترام الدستور أو البربرية وكل تأخير أو انحراف هو فرصة للمافيا".

 

وكتب الطاهري: 

"شنوة توة؟ 

ما ثماش مافيا في البلاد؟ ما ثماش كارتيلات؟ ماثماش عصابات؟ في السياحة والغذاء والبناء والسيارات وقطاع الغيار والمقاولات والبنوك والتأمينات والصحة والدواء والماء والبذور ومسالك التوزيع وغيرو..

مافيات ووفاق إجرام..

مانعممش أما البلاد ما وصلت لها الحالة إلا بها المافيات وغطاهم السياسي والبرلماني..

بسببهم باش نفقدوا شوية الحرية والحقوق بدعوى مقاومة المافيا.. 

مانيش باش نسلم ونقول واش يعمل الميت قدام غسالو؟ 

نقول يا إما وضوح وخارطة طريق، أي خارطة طريق حسب علوم السياسة موش الجغرافيا، وحكومة، أي حكومة سميها ما شئت، ومزيد من الحقوق والحريات وضمانات احترام الدستور أو.. البربرية.. 

كل تأخير أو انحراف هو فرصة للمافيا.."